RCAL 03102025_Asosiasaun Feto Rejiaun Administrativa Espesiál Oekusse Ambeno (AFR) servisu hamutuk ho Secretaria Estadu Igualdade (SEI) no Groupu Mulheres parlementares Timor-Leste (GMTL) kontinua fo Formasaun lideransa feto potensial husi partidus Politikus sira ne’ebe hetan asentu iha Parlemetu nasional Durante Loron rua hahu Kinta no remata Sesta ne’e iha Salaun restorante Nidela Padimau Suku Costa Sub-rejiaun Pante Makasar RAEOA//

Presidente AFR JUANA BOBO TANO iha nia introdusaun hateten, objetivu husi formasaun ne’e atu foti Lideransa transformador, hanorin feto sira atu lidera ho prinsipiu no iha kapasidade no komonikasaun hodi hasa’e konesementu feto lideransa husi partidus politiku sira hodi hasoru desentralizasaun no poder lokal//

 

Biban ne’e, reprezentante Secretaria Estadu Igualdade (SEI) ROMÃO PIEDADE MENDONÇA Iha diskursu Abertura formasaun ne’e hateten, Feto nia papel iha poder lokal sai asuntu nebe seriu liu atu toma atensaun, nune’e Forum husi formasaun lideransa feto partidus Politikus iha RAEOA ne’e bele konsensializa no fo nafatin esperitu ba Inan feto Potensia sira oinsa atu hateke dook lori rai Oekusi ba iha Nasional no mundu internasional//

 

Vice Prezidente Grupu Mulheres Parlamentu Timor-Leste, Deputada Lucia Taeki Hatete, Formasaun Ne’e Importante Ba Feto Sira Hodi Envolve Iha Politika, Tanba Durante Ne’e Feto Sira Iha Oekusi La’o Tuir De’it Ida-Idak Ninia Partidu Politiku Maibe La Tau Hanoin Hamutuk Atu Bele Kontribui Ba Dezemvolvimentu//

 

Partisipantes nebe involve iha formasaun ne’e, mai husi partidus politikus nebe hetan asentu iha parlementu Nasional hanesan, Congresso Nacional de Reconstrução de Timor Leste (CNRT), Frente Revolucionário de Timor Leste Independente (FRETILIN), Partidu da Libertação Populár (PLP), Partidu Democrático (PD), no Partidu Haburas Unidade Nacional Timor Oan (KHUNTO)//

Fo hanoin fali katak, Formasaun durante loron rua ne’e, partisipantes hetan materia kona ba boa governasaun, jestaun lideransa, enkuadramentu legais, situasaun politika iha rai laran, sistema eleitoral, papel no funsaun orgaun soberania sira, no seluktan//

Reportagen Media RCAL